Smíða- og textílkennarar hafa undanfarið verið með útikennslu í grenndarskóg Klettaskóla, Sunnulundi.  Alls kyns verkefni hafa verið á dagskrá fyrir nemendur, þar sem tengslin við náttúruna eru nýtt í listsköpun.  Í lok kennslustunda hafa nemendur og starfsfólk fengið kakó eða te.  Margar skemmtilegar hugmyndir hafa orðið að veruleika þarna í skógarlundinum eins og sjá má á meðfylgjandi mynd og hann breyst í sannkallaðan ævintýraskóg!  Vonandi leika veðurguðir áfram við þessa skemmtilegu nýbreytni í skólastarfinu.