• IMG 9517-6509
  • IMG 9658-6588
  • IMG 9664-6594
  • IMG 9520-6511
  • IMG 9628-6559
  • IMG 9649-6579
  • IMG 9632-6563
  • IMG 9523-6512
  • IMG 9509-6501
  • IMG 9627-6558
  • IMG 9646-6576
  • IMG 9665-6595
  • IMG 9666-6596
  • IMG 9530-6518
  • IMG 9643-6573
  • IMG 9512-6504
  • IMG 9639-6569
  • IMG 9657-6587
  • IMG 9625-6556
  • IMG 9513-6505
  • IMG 9671-6600
  • IMG 9661-6591
  • IMG 9653-6583
  • IMG 9663-6593
  • IMG 9519-6510
  • IMG 9635-6565
  • IMG 9528-6517
  • IMG 9510-6502
  • IMG 9662-6592
  • IMG 9631-6562
  • IMG 9630-6561
  • IMG 9637-6567
  • IMG 9670-6599
  • IMG 9645-6575
  • IMG 9644-6574
  • IMG 9638-6568
  • IMG 9524-6513
  • IMG 9515-6507
  • IMG 9659-6589
  • IMG 9660-6590
  • IMG 9629-6560
  • IMG 9525-6514
  • IMG 9626-6557
  • IMG 9516-6508
  • IMG 9526-6515
  • IMG 9641-6571
  • IMG 9652-6582
  • IMG 9667-6597
  • IMG 9655-6585
  • IMG 9648-6578
  • IMG 9654-6584
  • IMG 9669-6598
  • IMG 9511-6503
  • IMG 9636-6566
  • IMG 9642-6572
  • IMG 9531-6519
  • IMG 9514-6506
  • IMG 9650-6580
  • IMG 9527-6516
  • IMG 9647-6577
  • IMG 9633-6564
  • IMG 9651-6581
  • IMG 9656-6586
  • IMG 9640-6570
  • Forsíða

Gleðilega páska

paskafri.17Að venju var kátt á hjalla í skólanum í dag, föstudaginn 7. apríl, enda seinasti skóladagur fyrir páskafrí. Gestir frá Tónstofu Valgerðar komu í heimsókn og slógu á létta strengi með nemendum og starfsfólki áður en hver hélt til síns heima. Framundan er ríflega vikufrí og margir væntanlega á faraldsfæti, innan lands sem utan. Nemendur, aðstandendur þeirra og starfsfólk, fær bestu óskir um ánægjulega frídaga og góða endurkomu að þeim loknum. Skóli hefst aftur samkvæmt stundaskrá, þriðjudaginn 18. apríl. Meðfylgjandi mynd er frá heimsókninni í dag.

Nýbygging skoðuð

Nybygging.17Loksins kom að því, að starfsmenn Klettaskóla fengu að ganga um nýju viðbyggingu skólans í dag, miðvikudaginn 29. mars, en fram að þessu hefur hún verið lokuð þeim flestum. Farið var í þremur hópum undir leiðsögn og í viðeigandi hlífðarfatnaði til þess að líta augum þessi nýju húsakynni, sem munu gerbreyta allri aðstöðu fyrir nemendur sem starfsfólk. Mátti glöggt greina eftirvæntingu hjá hópunum, þegar lagt var af stað og einlæga hrifningu, þegar dýrðin opinberaðist þeim!   Gamlir draumar fóru á flug í víðum göngum og háum sölum, en ljóst er að flutningar á búnaði og mannfólki hefjast að einhverju leyti strax í haust! Reynt var að fanga upplifunina og koma fyrir í myndasafni, en meðfylgjandi mynd er frá opinberunargöngu starfsfólks á yngsta stigi!

Skólahreysti 2017

hreysti.17Hin árlega keppni í skólahreysti hófst í morgun, mánudag 6. mars, í leikfimisal skólans. Keppt verður á öllum skólastigum næstu þrjá daga, og að venju verður eflaust mikið fjör! Nemendur takast á í alls kyns æfingum, þar sem m.a. reynir á jafnvægi, styrk og þol, og er árangurinn mældur og varpað jafnóðum með skjávarpa upp á vegg. Skólahreystin er alltaf skemmtilegur viðburður í skólastarfinu og íþróttakennurum skólans, sem stýra keppninni, tekst jafnan að skapa keppnisanda, þar sem gleði og ánægja eru í fyrirrúmi. Meðfylgjandi mynd var tekin í morgun, þegar komið var að nemendum á miðstigi að spreyta sig.

Hvatningarverðlaun til Klettaskóla!

verdlaun.17Í gær, miðvikudag 1. mars, var öskudagsráðstefnan haldin á Hilton Reykjavík Nordica hóteli. Á ráðstefnunni voru afhent hvatningarverðlaun skóla- og frístundaráðs fyrir framsækið grunnskólastarf, og hlotnaðist starfsmanni í Klettaskóla sá heiður að þessu sinni fyrir þróun á augnstýrðum tölvubúnaði. Undanfarin ár hefur Hanna Rún Eiríksdóttir, kennari, sinnt sérstaklega þessu verkefni, verið í samskiptum við sérfræðinga innanlands sem utan og byggt upp sérhæfða aðstöðu til kennslu við skólann. Þá hefur Hanna fengið til liðs við sig og þjálfað fleira starfsfólk, en augnstýrði búnaðurinn er nú kominn í nokkrar kennslustofur fyrir nemendur, sem njóta kennslu á þennan hátt. Á heimasíðu skólans undir tenglinum „Áhugavert“ má finna fjölmargt um þetta þróunarstarf Hönnu Rúnar. Á meðfylgjandi mynd er verðlaunahafinn með skólastjórnendum eftir stutta athöfn á kennarastofunni í morgun. Til hamingju Hanna Rún!

Skrímslið litla systir mín

ton.17Á föstudeginum fyrir vetrarfrí fóru 1., 2. og 3 bekkur á sinfóníutónleika í Hörpu. Á þessum tónleikum mátti heyra söguna af Bjarti sem eignast litla „skrímsla“-systur sem étur mömmu og pabba. Hann ferðast alla leið út á heimsenda til að reyna að skila systur sinni og fá mömmu og pabba til baka. Skrímslið litla systir mín, saga Helgu Arnalds, heyrðist nú í fyrsta sinn í sinfónískum búningi með tónlist Eivarar Pálsdóttur. Eivør og Halldóra Geirharðsdóttir ásamt Graduale Futuri fluttu  söguna í tali og tónum í útsetningu Trónds Bogasonar við fallegt myndefni Bjarkar Bjarkadóttur sem var varpað upp á tjald fyrir ofan hljómsveitina. Þetta voru sannarlega skemmtilegir tónleikar sem höfðuðu vel til okkar nemenda.